Kancelari gjerman, Olaf Scholz tha në një konferencë për shtyp se ka besim tek raportet transatlantike dhe se ai mendon se Harris mund të ketë shanse të mira si kandidate për presidente në SHBA. Në konferencën e shtypit kancelari foli shumë pak për ish presidentin Donald Trump. E duke shkelur një ligj të pashkruar në gjermani, atë që asnjë lider gjerman asnjëherë nuk shprehet hapur për zgjedhjet që pritet të zhvillohen në një vend mik, Scholz tha: Unë konsideroj se është shumë e mundur që Kamala Harris të fitojë. Por këtë e vendosin zgjedhësit amerikanë." Dhe në fakt, nuk është aspak sekret fakti që jo vetëm në Berlin, por edhe në shumë kreqytete të tjera europiane, ekziston frika për një fitore të mundshme të ish presidentit donald trump. Por, tani që Biden është tërhequr, duke lënë në garë zëvendëspresidenten kamala harris, buzëqeshja është kthyer disi. Vetë Scholz ka patur marrëdhënie shumë të mira me presidentin Biden. Ai e ka mbrojtur deri në fund atë, madje edhe pas debatit katastrofik të qershorit. Para pak javësh Scholz tha: "Nuk duhet që dikë, që ecën ngadalë, ta mendosh si një njeri që nuk është në gjendje të mbajë postin dhe të drejtojë vendin. Joe Biden mundet ta bëjë këtë”. Ndërsa kur u pyet nëse kishte komunikuar me Trumpin pas atentatit ndaj tij, Scholz tha se si kancelar detyra e tij është të komunikojë me secilën qeveri të zgjedhur në SHBA dhe të ruajë kontakte të ngushta me të. Të njëjtën gjë do të bëjë ai edhe në të ardhmen. E më këtë, ai la të kuptohet se nuk i ka telefonuar Trumpit. Problemi i Gjermanisë me Trumpin, qëndron tek grindjet e së shkuarës. Kur ishte president i shba-së, ai kishte kritikuar ashpër berlinin për mos përmbushjen e detyrimit ndaj natos, për shpenzimet e mbrojtjes. Por tani, pas luftës së rusisë në ukrainë, Gjermania ka bërë një kthesë radikale dhe për të parën herë ka plotësuar objektivin e shpenzimit të 2 për qind të produktit të brendshëm bruto, për mbrojtjen.