Presidenti rus, Vladimir Putin ka njoftuar para ligjvënësve rusë hyrjen në shërbim të raketave balistike ndërkontinentale Sarmat, që i janë dorëzuar tashmë sipas tij ushtrisë. “Raketat e para balistike të rënda, sarmat, të prodhuara në seri, i janë dorëzuar forcave të armatosura. Shumë shpejt do ti tregojmë ato në aksion, në zonat ku do të dërgohen. Sistemi raketor strategjik rus, Sarmat, është një nga super armët e reja të kërkuara nga Putin, bashkë me raketën misterioze Burevestnik, Kinzhal, Zirkon dhe nëndetëset Poseidon. Presidenti rus ka shtuar edhe se raketa kruiz me shtytje bërthamore Burevestnik dhe raketa nënujore që mund të mbajë armë bërthamore, poseidon, thuajse kanë përfunduar fazën e testimit. Sarmat, raketa balistike me kapacitet bërthamor, mund të godasë edhe shtetet e bashkuara të amerikës duke mbajtur 15 mbushje bërthamore, të cilat mund ti lëshojë përgjatë një trajektoreje fluturimi që shkon deri në 18 mijë kilometra. Ajo është sipas Putinit e pa shkatërrueshme dhe e realizuar tërësisht me përbërës made in rusia, që nuk janë pra subjekt sanksionesh nga perëndimi. Që në shtator të vitit të kaluar, kremlini kërcënoi duke deklaruar se sistemi strategjik raketor sarmat, ishte vënë në gatishmëri.