Austria ka nisur hetimet për dy persona të dyshuar, se paguanin shumë të mëdha parash për të qëlluar njerëz gjatë Rrethimit të Sarajevës në vitet 1990. Të dyshuarit besohet se kanë marrë pjesë në masakrën ‘sarajevo safari’, e cila mblidhte shtetas të pasur evropianë që paguanin për të qëlluar mbi burra, gra dhe fëmijë nga pozicionet e snajperëve serbë mbi qytet. Ministria e drejtësisë në Austri bëri me dije se hetimet kanë nisur ndaj një shtetasi austriak, dhe një personi tjetër të paidentifikuar. Sipas pretendimeve të ngritura, turnet organizoheshin nga serbë dhe kroatë, ndërsa turistët që paguheshin për të vrarë morën pjesë mes viteve 1992–1995, gjatë kohës kur serbët e Bosnjës e kishin rrethuar qytetin dhe u vranë gati 14,000 persona. Snajperët dyshohet se ishin vendosur nga milicia serbe në një varrezë hebraike që mbikëqyrte Sarajevën. Pretendohet se turistët snajperistë paguheshin ekstra për të vrarë gra shtatzëna dhe fëmijë. Hetimi austriak vjen pas një hetimi të nisur nga prokurorët italianë, të cilët kanë marrë në pyetje dy persona. Sipas pretendimeve, në këto turne kanë marrë pjesë edhe snajperë britanikë, francezë, spanjollë, rusë dhe gjermanë.