Përpara Krishtlindjeve, një aktivist pro-Kremlinit ka kërkuar që Santa Claus të cilësohet si "agjent i huaj" në Rusi, sipas gazetës ruse Meduza. Vitaly Borodin, udhëheqësi i Projektit Federal për Sigurinë dhe Luftën ndaj Korrupsionit, i dërgoi një letër Prokurorit të Përgjithshëm të Rusisë duke kërkuar që figura ikonike e Krishtlindjes të shpallej si "agjent i huaj" për shkak të "popullaritetit të tij në vendet "jomiqësore"", të cilat përdorin imazhin e tij për të "minuar vlerat tradicionale të Krishtlindjeve", tha Meduza, duke cituar letrën. Borodin është i njohur për paraqitjen e raporteve policore kundër armiqve të supozuar të shtetit, duke përfshirë gazetarë, këngëtarë, kompozitorë dhe madje edhe një prodhues çokollate. Shqetësimi i Borodin është se Santa Clausi do të errësojë At Frost-in, një figurë ruse e Vitit të Ri. Ai është gjithashtu "i indinjuar nga fakti që ai amerikan po zëvendëson imazhin e Santa Clausit tradicional rus ". Borodin nuk është i vetmi që kërkon fundin e ndikimit të Santa Clausit në Rusi, pasi deputeti i parlamentit rajonal të Bryanskut, Mikhail Ivanov, ka bërë thirrje më herët që të gjithë santa Clausët të hiqen nga raftet e dyqaneve dhe të zëvendësohen me Ded Moroz, i njohur gjithashtu si Babai Frost apo Snegurochka, vajza e Ded Moroz, që janë figura kulturore festive ruse.