Sanksionet e mëdha financiare të vendosura ndaj Rusisë, vetë Vladimir Putin si dhe disa oligarkëve rusë, pritet të sjellin dëme të mëdha ekonomike në arkën e shtetit rus, megjithatë duket se ky i fundit e ka një plan B për mënyrën e realizmit të investimeve dhe rritjen e përfitimeve monetare. Tregu i kriptomonedhave, i cili është i decentralizuar dhe nuk është prekur nga asnjë sanksion i vendeve perëndimore, është kthyer në rrugëzgjidhjen ekonomike të Rusisë. Teksa Rubla është zhvlerësuar me 27 përqind kundrejt dollarit, blerjet e kriptomoneshave në rubla kanë shënuar nivel rekord që pas fillimit të pushtimit rus. Zëvendëskryeministri i Ukrainës, Fedorov, nëpërmjet një postimi në Tëitter-it kërkoi që platformat e kriptomonedhave të bllokojnë llogaritë ruse, kërkesë e cila po merret në shqyrtim nga autoritetet amerikane.