Tensionet në Kosovë dhe dialogu mes Prishtinës e Beogradit do të jenë pjesë e diskutimeve në samitin e Tiranës mes BE dhe vendeve të Ballkanit Perëndimor. Megjithatë, Kryeministri Edi Rama tha se formatet e këtij lloji nuk janë vendi për të diskutuar çështje dypalëshe. Procesi i Berlinit, si dhe samitet nuk janë vendi për zgjidhjen e çështjeve bilaterale, por në programin e samitit që është përgatitur prej shumë kohësh në harmoni me kancelarinë gjermane dreka e punës e liderëve do t’i kushtohet edhe marrëdhënieve fqinjësore në rajon. Hapësira për një diskutim të hapur mes të pranishmëve është programuar por nuk është një samit që merr përsipër të gjejë zgjidhje për probleme që siç e tha presidentja në lidhje me çështjen konkrete janë probleme që trajtohen dhe duhet të zgjidhen nën ombrellën e BE".