Policia do të angazhojë mbi 2 mijë efektivë për garantimin e sigurisë dhe mbarëvajtjen e punimeve të Samitit të Procesit të Berlinit, që zhvillohet të hënën për herë të parë në Tiranë dhe për herë të parë jashtë një vendi të Bashkimit Europian. Plani i masave të policisë së shtetit parashikon bllokimin për disa orë të të gjithë autostradës Tiranë-Rinas dhe të aksit të Unazës së Re nga ish-rrethrrotullimi Shqiponja deri në rrethrrotullimin e Saukut. Perimetri i sigurisë nis nga Bulevardi “Dëshmorët e Kombit’, Ura e Dajtit deri tek Sheshi Nënë Tereza ndërsa do të jenë në gatishmëri 1604 efektivë dhe 400 punonjës të Gardës së Republikës. Në samit deri më tani është konfirmuar pjesëmarrja e Kancelarit Gjerman, Olaf Scholz, presidenti Francës, Emmanuel Macron, si edhe Presidentja e Komisionit Europian, Ursula von der Leyen. Akset që bllokohen janë Bulevardi “Dëshmorët e Kombit”, nga ura e Dajtit deri te sheshi “Nënë Tereza”; Bulevardi “Bajram Curri” nga kryqëzimi me Rrugën e Elbasanit deri te kryqëzimi me rrugën “Ibrahim Rugova”; rruga Papa Gjon Pali II, Rruga “Ismail Qemali”, nga kryqëzimi i Liceut deri te rruga e “Elbasanit”;