Ish deputeti i Partisë Demokratike, Ervin Salianji thotë se opozita në Shqipëri duhet të marrë shembull Donald Trump. Salianji dubel - Nuk ka dyshim se me vendimet, me aktet, me dekretet që do të ndërmarrë, Presidenti i 47 do të përcaktojë një kurs të ri në botë. Ama, fushata, dhe ajo çfarë vendosi qytetari amerikan, përkundër gjithë atmosferës propoganduese që ishte krijuar, përkundër gjithë imponimit me industritë më të forta të opinionit, e ka përmbysur jo pak gjendjen dhe ka krijuar një rend të ri. Një rend që nuk ka dyshim se do të rrezatojë dhe do të ndikojë dhe në vende të tjera. Sidomos aty ku demokracia, liritë dhe të drejtat bazike po vihen në dyshim nga qeveri e udhëheqës autoritaristë. Ka ngjashmëri të realiteteve politike e zgjedhore të SHBA me ne këtu. Njësoj, përndjekje gjyqësore ndaj kundërshtarit. Goditje dhe tentativë për asgjesim me mjete ekstrapolitike. Ngadhënjimi i Trump tregoi se asgjë nuk është e pamundur.