Kryedemokrati Sali Berisha në një bashkëbisedim me qytetarët në rrjetet sociale këtë të shtunë ka folur për zgjedhjet për kreun e PD, ku pas përjashtimeve të kandidaturave gjendet i vetëm në këtë garë. Ai tha se në Partinë Demokratike ka garë të ndershme dhe demokratike. ‘Garantoj se PD ka garën më të ndershme dhe formën më demokratike të garës që mund të ekzistojë. PD është nga ato të pakta, jo të shumta, parti demokratike në Europë dhe në botë, që kryetarin e zgjedh direkt me votën e anëtarësisë. Ky është themeli. Berisha shtoi se nuk mund të garojnë për kryetar partie ata që e kanë tradhtuar partinë dhe kanë bashkëpunuar me kundërshtarët politikë. Këtu u ndal te mospranimi i kandidaturës së Ervin Salianjit në garë, ku sipas tij ai e shiti veten në burg.