Ervin Salianji iu përgjigj akuzave të Berishës e Nokës se takimi I tij në Elbasan ishte organizuar nga eksponentë të krimit. Pasi u largua nga mbledhja e Këshillit Kombëtar, Salianji në një reagim në Facebook, I quajti këto qëndrime të fabrikuara dhe sipsa tij po ndiqet e njëjta mënyrë si në rastin kur u burgos. Ish-deputeti thekson se në takimin e Elbasnbait ishte e pranishme gjithë struktura vitale e PD. Akuzat imagjinare, siç ndodh rëndom me armiqtë imagjinarë të qëmotit, se unë paskam takuar ata që i kam denoncuar prej vitesh, duke filluar nga Suel Çela, janë një dëshmi e mjerimit politik. Veçanërisht kur dihet se shumëkush tjetër e ka pasur në krah dhe e ka përdorur për interesa të veta. Por ç’rëndësi ka kjo. Në kushte të një demokracie dhe jo autokracie do shkoja në gjykatë të përballja çdo shpifës. Por në kushtet e një përballje për shkak se dua që Partia Demokratike të jetë fituese dhe disa rrogëtarë kanë frikën e humbjes së pushtetit e të pazareve po reagoj publikisht një herë, e më pas siç kam bërë çdo herë, do shkoj në vendngjarjet e krimit, korrupsionit dhe bashkëpunëtorëve të tyre në pazare!