Një njësi zhytësish nga një njësi ruse e operacioneve speciale, mund të qëndrojë pas sulmit mbi gaazsjellësit Nord Stream – pretendojnë ekspertë të sigurisë. Njerëzit e Spetsnaz, një degë sekrete e ushtrisë Ruse, dhe dronë nënujorë, mund të jenë dislokuar për të hedhur në erë trajektoren strategjike të furnizimit me gaz. Flluska të stërmëdha u shfaqën në sipërfaqe afër ishullit danes Bornholm, pas raporteve për shpërthime në gazsjellës. Suedia konfirmoi se kishte regjistruar dy shpërthime nënujore afër vendeve ku u regjistruan rrjedhjet e gazit ndërsa inxhinierët gjermanë raportuan se kishte patur një rënie presioni të menjëhershme në gazshellës dhe se tubat ishin carë. Nën këtë sfond, revista gjermane Spiegel, shkruan se agjencia qendrore e Inteligjencës, CIA, duket se e kishte paralajmëruar gjermaninë javë më parë për sulme mbi tubat e gazit në detin balltik. Qeveria gjermane kishte marrë informacionet nga CIA në verë – raporton Spiegel, duke cituar burime anonime. Liderët perëndimorë kanë akuzuar Rusinë për sabotazh me qëllim që të shkaktojë një krizë energjie në Evropë në prag të dimrit. Dhe sipas një analisti të pavarur të mbrojtjes, nuk mund të përjashtohet mundësia që moska të qëndrojë pas aktit të sabotazhit, pikërisht nën hundën e NATO-s.