Pasojat e pandemisë së koronavirusit duken se janë tejkaluar nga ana ekonomike, ndërkohë që ekonomia gjermane duket se është përshtatur edhe me luftën në ukrauinë dhe kostot që ka sjellë ajo. Për më tepër, edhe kriza bankare në SHBA dhe Zvicër nuk rëndon mbi ekonomikë gjermane. Një recesion i thellë, si ai i shumëpërfoluri nuk u pa dhe tregu i punës mbeti i stabilizuar. Por javën që kaloi dy studime vunë gishtin në plagën e ekonomisë gjermane: mungesa e fuqisë punëtore në vend. Instituti i Ekonomisë Gjermane, me seli në Këln në Raportin për Fuqinë Punëtore, Dhjetor 2022, ka përcaktuar se boshllëku i fuqisë punëtore të kualifikuar është zvogëluar disi, por ai mbetet "në nivel të lartë". Kurse Dhoma e Tregtisë dhe Industrisë, në raportin për fuqinë punëtore, 2022 arrin në përfundimin se "ngushticat e fuqisë punëtore po shtohen".