Zgjerimi i bashkimit evropian, për të përfshirë nëntë vende të tjera, mes tyre edhe ukraina, do ti kushtonte vendeve ekzistuese anëtare më shumë se 250 miliardë euro, sipas përllogaritjeve të brendshme. Pasoja zinxhir do të ishte kthimi i shumë vendeve që aktualisht gëzojnë përfitime neto financiare nga BE në kontribues neto. Kostoja e madhe e zgjerimit do t’i prezantohet 51 liderëve evropianë që mblidhen në Granada të Spanjës, për një takim të komunitetit evropian politik, ku do të diskutojnë hapat e radhës për nëntë fqinjët që presin në radhë për tu anëtarësuar në BE. “Të gjitha shtetet anëtare do të duhet të paguajnë më shumë dhe të marrin më pak nga buxheti i BE; shumë vende anëtare që aktualisht marrin fonde do të bëhen kontribues”, thuhet në dokumentin e sekretariatit të këshillit të BE-së që ëhstë parë nga Financial Times. Ukraina, deri më tani më e madhja nga nëntë vendet që janë pranuar si kandidatë të mundshëm, do të merrte 186 miliardë euro gjatë shtatë viteve. Zgjerimi ëhstë bërë një nga temat më urgjente për BE-në, me liderët që do të diskutojnë se si ta drejtojnë debatin në temat kyce, për numrin e vendeve në parlamentin evropian, të ardhmen e përbashkët të politikave bujqësore dhe nëse një bllok i zgjeruar do të vazhdojë apo jo me sistemin e votimit unanim në disa zona të caktuara. Po ahstu diskutohet edhe nëse BE do të vazhdojë me procesin e saj me dy shpejtësi, që i lejon vendeve anëtare hyrje në faza në bllok, apo duhet ta ndryshojë këtë. Një diplomat i lartë thotë për britaniken Guardian se buxheti pritet të jetë tema më e nxehtë e diskutimit që duhet të zgjidhet deri në 2027-ën, kur cikli i ri financiar fillon. Në këtë mënyrë BE mund të tregojë se është e gatshme, duke larguar cdo justifikim për vonesa të mëtejshme, për pranimin e ukrainës, moladavisë dhe ballkanit perëndimor. Dokumenti vlerëson se buxheti do të rritej me 21 për qind nëse të nëntë vendet do të pranohen. Kjo do të thoshte rritje domethënëse të kontributeve në bllok për gjermaninë, francën dhe holandën.