Komisioni Qendror i Zgjedhjeve në kosovë ka miratuar planin e buxhetit për zgjedhjet e parakohshme që parashikohet se do të kushtojnë rreth 5 milionë e 651 mijë euro. Siç është vendosur tashmë me dekret të perasidentes në detyrë Vjosa osmani zgjedhjet e jashtëzakonshme në Kosovë do të mbahen më 14 shkurt, pasi Qeveria Hoti u rrëzua pas vendimit të Gjykatës Kushtetuese se vota e Etem Arifit kur u miratua ngritja e saj ishte e pavlefshme. Komisioni Qendror i Zgjedhjeve në një mbledhje të mbajtur ka njoftuar se certifikimi i partive politike nis të premten dhe do të zgjasë deri më 21 janar. “Aplikimi i subjekteve politike dhe kandidatëve fillon më 8 janar dhe përfundon më 16 janar 2021. Tërheqja e shortit për renditjen e subjekteve politike dhe kandidatëve në fletëvotim do të mbahet më 1 shkurt 2021”, thuhet ne njoftimin e KQZ. ndërkaq fushata elektorale e kandidatëve dhe partive poltike do të zgjatsë vetëm 9 ditë, nga data 3-12 shkurt. po ashtu është përcaktuar nga KQZ se periudha e votimit me postë fillon më 2 shkurt dhe përfundon 24 orë para zgjedhjeve. Kryetarja e KQZ-së, Valdete Daka ka thënë për mediat se janë të detyruar të fillojnë përgatitjet për organizimin e këtyre zgjedhjeve që parashikohen të kushtojnë 5 milionë e 560 mijë euro. por sipas kryetares së KQZ-së fondi në fjalë edhe pse do t’i kërkohet qeverisë nuk do të thotë që i gjithi do të harxhohet. Shpallja e datës së zgjedhjeve pason publikimin e vendimit të plotë të Gjykatës Kushtetuese, që konstatoi se zgjedhja e Qeverisë së Kosovës, të udhëhequr nga Avdullah Hoti ishte bërë në mënyrë jokushtetuese, pas votës së Etem Arifi, ndaj të cilit kishte një dënim të formës së prerë prej më shumë se një vit, për veprën penale “mashtrim me subvencione”.