Shkencëtarët bërthamorë do të lëvizin akrepat e orës së apokalipsit të martën, me një vlerësim se sa afër asgjësimit ata mendojnë se është njerëzimi, këtë vit, për shkak të kërcënimeve ekzistenciale si një luftë bërthamore e mundshme apo ndryshimet e klimës. “Ora e Apokalipsit” është një matës simbolik kohe që tregon se sa afër fundit është bota. Mesnata shënon pikën teorike të shfarosjes...Kërcënimi apokaliptik mund të vijë nga tensionet politike, armët, teknologjia, ndryshimet e klimës e madje edhe sëmundjet pandemike. Akrepat e orës lëvizin më pranë apo më larg mesnatës, bazuar në leximet e shkencëtarëve mbi kërcënimet ekzistenciale në një kohë të caktuar...Një organizatë jofitimprurëse me qendër në Cikago, e quajtur Buletini i Shkencëtarëve bërthamorë, e rivlerëson kohën cdo vit, bazuar në informacionet që kanë të bëjnë me rreziqet katastrofike ndaj planetit dhe njerëzimit dhe e tregon ‘kohën’ në faqen e saj në internet.