Rusia ka humbur më shumë se një të tretën e tankeve të erës sovjetike që mbante në ambjentin më të madh të ruajtjes së tyre që nga fillimi i pushtimit të ukrainës. Imazhet satelitore tregojnë se një depo e hapur, në Buratian e largët, në Siberinë lindore, ka humbur rreth 40 për qind të tankeve dhe mjeteve të blinduara që ajo mbante më herët. Imazhet, që janë të disponueshme për publikun, tregojnë se si ishte bza pesë muaj para se trupat ruse të hynin në Ukrainë. Ato tregojnë se në bazën e Vagzhanovos kishte rreth 3840 mjete të erës sovjetike. Por në nëntor të vitit të kaluar, vetëm 2600 mjete mund të numëroheshin atje. Është raportuar ndërkohë se rusia ka nisur të ri-importojë pjesë tankesh dhe raketash që më herët ia kishte shitur indisë dhe mianmarit, në një përpjekje për të kthyer në jetë mjetet e vjetra si ato që mbaheshin në Buriatia, para se ti dërgojë ato për të luftuar në ukrainë. Sipas rregullave të ushtrisë ruse, lloje të ndryshme armësh dhe mjetesh mbahen në baza të ndryshme që variojnë nga magazinat e specializuara, me ngrohje dhe ventilim, e deri tek hangarët pa ngrohje apo zonat e hapura. Zakonisht, këto të fundit kanë lloje më pak të vyera armësh. Ural vagon Zavod, e vetmja fabrikë tankesh në rusi, që ka prodhuar po ashtu edhe vagonë trenash dhe autobusë dhe tha në fund të qershorit se kishte ndaluar të gjithë prodhimin joushtarak për tu fokusuar plotësisht tek prodhimi i tankeve. Dmitry Medvedev, ish president i rusisë dhe tani një nga zyrtarët më të lartë të ngarkuar me prodhimin ushtarak, tha në mars se rusia do të niste të prodhonte 1500 tanke në vit. Por analistët ushtarakë i vunë në dyshim deklaratat e tij duke argumentuar se rusia nuk ka kapacitet për të prodhuar më shumë se pak qindra tanke në vit.