Top News – Rusisë mund t’i shterojnë energjitë/ Britania: Vështirë të përballojnë një luftë të gjatë

Rusia do ta ketë të vështirë që të vazhdojë fushatën ushtarake, dhe Ukraina mund të aktivizohet në kundërsulm, ka thënë shefi britanik i inteligjencës, Richard Moore. Ai tha se Rusia është përballur me “humbje epike” në synimet e saj fillestare të luftës në Ukrainë, siç janë: rrëzimi i presidentit, marrja e kontrollit të Kievit dhe prishja e unitetit brenda Perëndimit. Ai foli në Forumin e Aspenit, në një paraqitje të rrallë publike. Moore e ka quajtur pushtimin si “aktin më të pastër të agresionit në Evropë, prej Luftës së Dytë Botërore” dhe tha se fitoret që ka shënuar së fundi Rusia janë “të vogla” dhe se vendi rrezikon të humbë energjinë.