Parada vjetore e Ditës së Fitores në Rusi do të mbahet më 9 maj pa pajisje ushtarake për herë të parë në pothuajse dy dekada për shkak të frikës nga një sulm me rreze të gjatë veprimi nga dronët ukrainas. Ministria e mbrojtjes tha se asnjë automjet i blinduar apo sistem raketash nuk do të kalonte nëpër Sheshin e Kuq gjatë paradës, e cila shënon fitoren sovjetike ndaj Gjermanisë naziste, duke përmendur "situatën aktuale operative". Kadetët nga shkollat ushtarake dhe institucionet ushtarake rinore gjithashtu nuk do të merrnin pjesë, shtoi ajo. Kremlini tha të mërkurën se “aktiviteti terrorist ukrainas” ishte arsyeja pas ndryshimeve në paradën vjetore. Blogerët dhe analistët ushtarakë rusë kanë sugjeruar se Moska ka frikë se sulmet me dronë ukrainasë me rreze të gjatë veprimi mund të synojnë pajisje ushtarake para ose gjatë paradës. Ruslan Leviev, një analist i pavarur, i tha kanalit televiziv TV Rain: “Pajisjet janë të cenueshme edhe gjatë fazës së përgatitjes, pasi kolonat parkojnë dhe bëjnë prova jashtë Moskës në fusha të hapura stërvitore që janë të lehta për t’u goditur me drone”. “Goditja e ushtarëve në qendër të qytetit midis turistëve nuk do të ishte aq e thjeshtë.”, tha ai.