Rusia dhe Koreja e Veriut filluan të mërkurën ndërtimin e një ure rrugore midis dy vendeve që do të kalojë lumin Tumen, pjesë e një përpjekjeje për të forcuar partneritetin e tyre strategjik, tha kryeministri i Rusisë. Ura po ndërtohet pranë "Urës së Miqësisë" ekzistuese, një urë hekurudhore kjo e cila u vu në punë në vitin 1959 pas luftës mes koreve. Në një ceremoni kushtuar fillimit të ndërtimit të urës së re, kryeministri rus Mikhail Mishustin tha se kjo ishte një ngjarje e rëndësishme në marrëdhëniet mes dy vendeve, raportoi agjencia shtetërore e lajmeve TASS. "Rëndësia shkon përtej një detyre inxhinierike," u citua të thoshte Mishustin. "Ajo simbolizon dëshirën tonë të përbashkët për të forcuar marrëdhëniet miqësore dhe të fqinjësisë së mirë dhe për të rritur bashkëpunimin ndërrajonal."