Top News – Rusia, torpedo bërthamore në Paqësor / Putin nuk njeh kufi, gjithçka gati vitin tjetër

Rusia planifikon të ketë infrastrukturën e duhur për të vendosur nëndetëse me super torpedot me kapacitet bërthamor Poseidon, në oqeanin paqësor, në fillim të vitit të ardhshëm. Kjo raportohet nga agjencitë ruse të lajmeve mëngjesin e të hënës. Moska tha në janar se kishte prodhuar serinë e parë të torpedove poseidon, katër vite pasi Vladimir Putin prezantoi një lloj të ri armësh bërthamore strategjike. Ka pak detaje të konfirmuara për poseidonin por në thelb është një kryqëzim mes një torpedoje dhe një droni që mund të lëshohet nga një nëndetëse bërthamore. Torpedot po zhvillohen për tu vendosur në nëndetëset bërthamore Belgorod dhe Khabarovsk – raporton agjencia e lajmeve Tass.