Të paktën nëntë persona u vranë dhe 20 të tjerë u plagosën gjatë sulmeve ruse në rajonet juglindore të Ukrainës këtë të premte. Shtatë viktima u regjistruan në rajonin e Zaporixhjas tha guvernatori i rajonit Ivan Fedorov që bëri me dije se raketat goditën një servis automjetesh. Nga shërpthimi u plagosën dhe katër persona të tjerë, mes të cilëve dy fëmijë, ndërsa u dëmtua dhe rrjeti energjisë elektrike. Disa zona mbetën pa elektricitet. Ndërkohë, një sulm tjetër raketor shkaktoi dëme në një ndërtesë administrative në Krivi Rih, një rajon në juglindje të vendit, duke i vrarë dy njerëz, tha guvernatori Serhii Lysak. Ekipet e emergjente janë duke i vazhduar kërkimet në vendin e ngjarjes, pasi një person është zhdukur, theksoi ai. Ndërkohë 16 të tjerë morën plagë të shumta në trup. Lufta në Ukrainë ka nisur më 24 shkurt të vitit 2022. Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.