Rusia sulmoi me dronë gjatë natës qytetin port të Odesës. Nga shpërthimet u vra një person dhe u plagosën 13 të tjerë, tha guvernatori rajonal Oleh Kiper. Si pasojë e ofensivës ajrore u dëmtuan disa ndërtesa banimi, shtëpi private dhe dshumë makina. “Armiku i sulmoi përsëri me dronë Odesën dhe rajonin afër gjatë kësja nate. Një person u vra dhe 13 të tjerë u plagosën. Në mesin e të plagosurve janë dy fëmijë”, tha Kiper në Telegram. Ky ishte sulmi i dytë radhazi në dy ditët e fundit që ka ndërmarrë Rusia në këtë qytet. Prokurorët thanë se fëmijët e plagosur janë djem të moshës 4 dhe 16 vjeçe. Sipas forcës ajrore Rusia lëshoi 51 dronë në total, 32 prej të cilëve u rrëzuan. Forcat e Moskës i kanë intensifikuar sulmet ajrore ndaj qyteteve dhe fshatrave ukrainase, duke dërguar turma dronësh pothuajse çdo natë. Ushtria e Ukrainës tha se gjatë muajit tetor Moska lëshoi më shumë se 2.000 dronë drejt zonave të banuara por dhe atyre ushtarake.