Në kulmin e tensioneve mes Perëndimit dhe Rusisë, Moska ka vendosur të përshkallëzojë me tej përplasjet, duke zhvilluar stërvitje detare në pjesë të ndryshme të botës. Agjencia e lajmeve, AFP, ka raportuar se Rusia do të mbajë ushtrime në oqeanet Atlantik, Paqësor e Arktik dhe në Detin Mesdhe. Lojërat e luftës do të përfshijnë "më shumë se 140 anije luftarake dhe anije mbështetëse, më shumë se 60 avionë, 1000 pajisje ushtarake dhe rreth 10.000 ushtarakë", tha ministria ruse e mbrojtjes në një deklaratë.