Sekretari i përgjithshëm i NATO-s, Jens Stoltenberg paralajmëroi të mërkurën se qyteti lindor i ukrainës, tashmë tërësisht i shkatërruar, Bakhmuti, mund të bjerë në duar ruse në ditët në vijim pas muajsh luftime të ashpra. “Ajo që shohim ne është se Rusia po dërgon gjithnjë e më shumë trupa dhe se duke qenë se nuk ka cilësi po mbështetet tek sasia”, i tha Stoltenberg gazetarëve në stokholm, ku janë mbledhur ministrat e mbrojtjes së BE-së. “Ata kanë pësuar humbje të mëdha por në të njëjtën kohë ne nuk mund të përjashtojmë mundësinë që bakhmuti të bjerë në ditët në vijim – shtoi ai. Shefi i aleancës perëndimore të mbrojtjes, që mbështet ukrainën, insistoi se është po ashtu e rëndësishme të theksosh se kjo jo domosdoshmërisht reflekton një pikë kthese në luftë. “Kjo vetëm nxjerr në pah detyrimin që ne të mos e nënvlerësojmë rusinë. Ne duhet të vazhdojmë të ofrojmë mbështetje për ukrainën”, tha ai.