Rusia tha të premten se sanksionet e reja të Shteteve të Bashkuara ndaj Moskës, për veprimet e saj në Ukrainë, janë “absurde”, dhe vetëm do t’ua vështirësojnë kompanive të huaja aktivitetet e biznesit. “Në cdo valë të re të kufizimeve ekonomike, bëhet gjithnjë e më e qartë joefikasiteti dhe absurditeti i kësaj qasjeje”, ka thënë Ambasada ruse në Shtetet e Bashkuara. Ajo ka thënë se kompanitë e huaja janë të parat që do të vuajnë nga sanksionet e reja dhe se aftësia e tyre për të punuar me partnerë rusë, është duke u “tkurrur vazhdimisht”. Departamenti amerikan i Thesarit tha të enjten se do të sanksionojë dhjetëra persona dhe entitete që lidhen me pushtimin rus në Ukrainë. Aty është përfshirë edhe Ëagner, grup paramilitar rus që lufton në Ukrainë. Në njoftim, Wagner është përshkruar si “organizatë kriminale”, përgjegjëse për abuzime me të drejtat e njeriut. Lufta në ukrainë po mbush tani vitin dhe Kremlini vazhdon ta quajë, një operacion special ushtarak për cmilitarizimin e vendit. Perëndimi ndërkohë është përgjigjur ashpër duke goditur ekonominë e vendit me sanksione të ashpra.