Rusia po përdor mënyra të ndryshme për të rektrutuar njerëz për luftën në Ukrainë. Sipas DË, Rusia është përqendruar në rekrutimin e të huajve, ku në këmbim për t’iu bashkuar ushtrisë ruse, emigratët mund të përfitojnë nënshtetësinë ruse. Një 21-vjeçar teksa ka folur për DË, ka treguar se nëse do shërbente një vit në ushtri, do të përfitonte shtetësinë ruse se bashku me familjen dhe në momentin e nënshkrimit të kontratës mori menjëherë rreth 2 mijë dollar, ndërsa iu premtua një pagë mujore prej 2.300 dollarësh plus disa përfitime shtesë. Të huaj të tjerë kanë treguar se kanë qenë të detyruar në nënshkruajnë një kontratë me ushtrinë, për të fituar statusin e qëndrimit të ligjshëm në Rusi. Sipas tyre nëse kontrata me ushtrinë do thyhej, ateherë duhej të përballeshe me 15 vite burg në Rusi.