Prokurorët publikë në Peru thanë se po hetonin një rrjet trafiku të dyshuar që ofronte punë të rreme në Rusi për shtetasit peruanë, për t'i detyruar ata më pas që të luftonin në luftën e Moskës kundër Ukrainës. Individë të përfshirë, si ish-pjesëtarë të ushtrisë dhe oficerë policie, thuhet se janë rekrutuar përmes rrjeteve sociale me oferta mashtruese për punë të mirëpaguar si agjentë sigurie dhe punë të tjera në Rusi, tha zyra e prokurorit të përgjithshëm. Sipas informacionit të siguruar nga policia, “viktimat thuhet se janë dërguar në Rusi dhe, pasi kanë mbërritur në tokë të huaj, janë detyruar të marrin pjesë në operacione luftarake në kontekstin e konfliktit të armatosur mes Rusisë dhe Ukrainës,” thuhet në raport. Tredhjetë e tre peruantë kanë vdekur në luftën e Ukrainës, tha një avokat për mediat lokale. Kjo taktikë e Putinit është e njohur, pasi e njëjta mënyrë po përdoret dhe për individë nga vende të ndryshme të kontinentit Afrikan por dhe shteteve të tjera.