Një aleat i ngushtë i presidentit rus, Vladimir Putin, paralajmëroi se cdo sulm ukrainas mbi platformat e lëshimit të raketave brenda në rusi, me armë të dhëna nga SHBA dhe aleatët, rrezikon një përgjigje bërthamore nga Moska. Ish presidenti rus, Dmitry Medvedev, tani zëvendëspresident i këshillit rus të sigurisë, tha se disa komandantë të ushtrisë ukrainase po vlerësojnë mundësinë e goditjes së platformave të lëshimit të raketave me raketa me rreze të gjatë veprimi të dhëna nga perëndimi. Ai nuk tha emrat e komandantëve dhe nuk tregoi as më shumë detaje për planin e supozuar, ndërkohë që nuk ka patur reagim nga ukraina ndaj kërcënimit të tij. “Cfarë do të thotë kjo? Do të thotë vetëm një gjë...ata rrezikojnë të na detyrojnë ti referohemi paragrafit 19 të doktrinës bërthamore ruse”, shkroi medevdev në telegram. Ky paragraf përcakton kushtet nën të cilat një president rus mund të konsiderojë përdorimin e një arme bërthamore: kryesisht si përgjigje ndaj një sulmi me armë bërthamore apo armë të tjera të shkatërrimit në masë, ose ndaj përdorimit të armëve koncencionale kundër rusisë kur ekzistenca e shtetit është nën kërcënim. Medvedev përmendi në mënyrë specifike pikën g të paragrafit 19, që flet për përgjigjen bërthamore ndaj një sulmi me armë konvencionale. Putin është njeriu që thotë fjalën e fundit kur flitet për arsenalin e gjerë bërthamor të rusisë, por diplomatët thonë se këndvështrimet e Medvedev tregojnë një lloj mendimi ekstremist në kremlin, që e paraqet luftën si një betejë ekzistenciale të rusisë me perëndimin. Kritikët e kremlinit i kanë hedhur poshtë kërcënimet bërthamore të Medvedevit më parë, duke i quajtur përpjekje për të fituar vëmendje apo për të ndalur furnizimet e perëndimit me armë për ukrainën.