Rusia po përgatit trupat e saj për një “luftë të gjatë” me Ukrainën, ndërsa po mbledh një forcë prej 50,000 trupash në kufirin e Harkivit. Pavarësisht se Donald Trump dëshiron të rifillojë bisedimet e paqes pas një telefonate “të sinqertë”, sic u shpreh ai, me Vladimir Putinin, inteligjenca ukrainase tregon se Moska nuk ka ndërmend t’i japë fund luftës. Kancelari gjerman Friedrich Merz zbuloi gjithashtu se parashikon një luftë të zgjatur në Ukrainë për shkak të ngurrimit të Rusisë për të arritur paqen. Ai tha në një konferencë të përbashkët për shtyp me kryeministrin finlandez Petteri Orpo: "Luftërat zakonisht mbarojnë për shkak të lodhjes ekonomike ose ushtarake nga njëra anë ose nga të dyja palët dhe në këtë luftë ne jemi padyshim ende larg arritjes së kësaj situate. "Pra, mund të na duhet të përgatitemi për një kohëzgjatje më të gjatë", tha ai. Dëshira e Merz për përfundimin e shpejtë të luftës vjen pasi u publikuan raporte se Putin po mbledh një forcë prej 50,000 trupash përgjatë kufirit të Harkivit. Ushtria ukrainase në prill raportoi se Kremlini po grumbullonte trupa për t'u përgatitur për një sulm të ri mbi qytetin e dytë më të madh të vendit. Dhe Zelensky tha gjithashtu se Moska është përpjekur të fitojë terren në rajonet kufitare të Sumit në verilindje. Analistët ushtarakë besojnë se Putin po përpiqet të shfrytëzojë avantazhin e tij dhe të pushtojë sa më shumë tokë ukrainase. Ata paralajmërojnë se ai ka vetëm një "dritare katërmujore" për të arritur përparim në Ukrainë këtë vit. Dhe ky mund të jetë fillimi i ofensivës verore të Rusisë që synon qytetin kufitar të Harkivit, qytetin e fortifikuar të Ukrainës që ofroi rezistencë maksimale në fillim të pushtimit rus në 2022. Mes 50 mijë trupave që po mbledh Putini në Harkiv, janë edhe ato nga koreja e veriut. Shumë prej këtyre trupave besohet se kanë qenë pjesë e kundërsulmit në kursk. Analistët vërejnë se nëse këto njësi janë transferuar nga Kursku pranë Harkivit, atëherë një plan i ri është në lëvizje.