Dhoma e lartë e parlamentit të Rusisë, Këshilli i Federatës, ka caktuar 17 marsin për mbajtjen e zgjedhjeve presidenciale. Këshilli e miratoi vendimin gjatë një seance të enjten. Vladimir Putin, i cili ka qenë në pushtet si kryeministër ose president që nga viti 1999, ende nuk e ka shpallur synimin e tij për të marrë pjesë në zgjedhje për një mandat tjetër gjashtëvjeçar, megjithëse pritet shumë që të marrë pjesë. Një ndryshim kushtetues i lejoi Putinit mundësinë për të kandiduar në zgjedhje. Ai tani mund të qëndrojë në krye të kremlinit, deri në vitin 2030. Deri më tani për të kandiduar kundër Putinit nuk është paraqitur asnjë sfidues serioz. Në thelb, vendimi i marrë nga ligjvënësit rus shënon edhe fillimin e fushatës elektorale. Komisioni qendror i zgjedhjeve në rusi ka paralajmëruar se do të mbajë një takim të premten, për të vendosur pikërisht për fushatën. Ndonëse pritet ende njoftimi zyrtar i Kremlinit për kandidimin e Putinit, ky i fundit në mënyrë jo të drejtpërdrejtë duket se e ka nisur fushatën. Pak ditë më parë ai vizitoi muzeun e arritjeve bërthamore të rusisë ku u takua me nxënës shkollash dhe ka shtuar daljet në publik, në atë që analistët thonë se ëhstë një fushatë e hershme elektorale e tij.