Forcat ruse kanë filluar një kundërofensivë kundër trupave ukrainase, që kaluan kufirin duke hyrë në Rusinë perëndimore muajin e kaluar dhe që atëherë kanë marrë disa territore, thanë blogerët e luftës pro-Moskës dhe një komandant i lartë rus. Ukraina më 6 gusht nisi sulmin më të madh të një vendi të huaj ndaj Rusisë që nga Lufta e Dytë Botërore, duke carë kufirin në rajonin e Kurskut me mijëra trupa, të mbështetur nga tufa dronësh dhe armatime të rënda, duke përfshirë armë të prodhimit perëndimor. Gjeneralmajori Apti Alaudinov, i cili komandon forcat speciale Akhmat të Çeçenisë, që po luftojnë në Kursk, tha se forcat ruse kishin rimarrë kontrollin e mbi rreth 10 vendbanimeve në Kursk. "Situata është e mirë për ne," tha Alaudinov duke shtuar se forcat ruse ishin hedhur në ofensivë. “Gjithsej rreth 10 vendbanime në rajonin e Kurskut janë çliruar”, tha ai. Reuters nuk ishte në gjendje të verifikonte raportet në fushëbetejë. Raportet e ministrisë ruse të mbrojtjes nuk kishin ndonjë informacion e as nga ukraina nuk pati komente.