Ndërsa pushtimi i Ukrainës nga Rusia mbetet në qendër të vëmendjes, Presidenti Vladimir Putin po përgatit në heshtje themelet për një konflikt të mundshëm me NATO-n, sugjerojnë raportet. Rusia po zgjeron praninë përgjatë pjesëve të kufirit të saj me Perëndimin, po rrit shpenzimet e saj ushtarake me një ritëm rekord dhe po intensifikon operacionet e fshehta kundër Perëndimit. NATO duhet të "presë të papriturën" dhe të përgatitet për një sulm rus, tha admirali holandez Rob Bauer, kreu i komitetit ushtarak të aleancës, në Bruksel, janarin e kaluar. Ndërkohë, zyrtarët e inteligjencës dhe ushtrisë kanë paralajmëruar javët e fundit se vendet anëtare të NATO-s duhet të jenë gati për një konflikt të mundshëm me Rusinë. Kjo e fundit po rrit praninë e saj ushtarake përgjatë kufijve me Finlandën dhe Norvegjinë në përgatitje për një përballje të mundshme me aleancën ushtarake, raportoi së fundmi Ëall Street Journal. Kremlini po planifikon të krijojë një seli të re ushtarake në qytetin rus Petrozavodsk, rreth 160 km në lindje të kufirit finlandez, ku do të vendosen dhjetëra mijëra trupa gjatë disa viteve të ardhshme. Në të njëjtën kohë, Rusia po përshpejton prodhimin e armëve. Komuniteti i inteligjencës së Gjermanisë ka dhënë alarmin se ambiciet e Rusisë shkojnë përtej Ukrainës dhe Shërbimi Federal i Inteligjencës paralajmëroi në mars se Putin po përgatitet për një konflikt me NATO-n. Ndërkohë, shërbimi i inteligjencës së Lituanisë, VSD, vlerëson se ndërsa Moska mund të mos jetë ende e gatshme të nisë një sulm në shkallë të plotë ndaj aleancës, ajo mund të përpiqet të "testojë NATO-n" me një operacion të kufizuar ushtarak kundër një ose më shumë shteteve anëtare për të vlerësuar se sa seriozisht blloku do t'i përmbahet detyrimeve të tij të mbrojtjes kolektive. Edhe shërbimi i Inteligjencës së Mbrojtjes së Danimarkës ka paralajmëruar gjithashtu se Rusia mund të jetë për një "luftë në shkallë të gjerë" në Evropë brenda pesë viteve të ardhshme. Dhe në fakt, moska ka rritur shpenzimet ushtarake me ritëm rekord ndërkohë që janë shtuar shumë aktivitetet e spiunazhit dhe sabotimit në perëndim.