Vendosja e forcave të Polonisë përgjatë kufirit me Bjellorusinë ka shqetësuar Kremlinin. Rusia ka reaguar ashpër pasi vendi i NATO-s filloi dislokimin e më shumë se 1,000 trupave dhe pajisjeve ushtarake në lindje në fillim të këtij muaji pasi mercenarët rusë Ëagner u zhvendosën në Bjellorusi, “Sigurisht që është një shkak për shqetësim. Agresiviteti i Polonisë është një realitet,” tha zëdhënësi i Kremlinit, Dmitry Peskov. “Një qëndrim i tillë armiqësor ndaj Bjellorusisë dhe Federatës Ruse kërkon vëmendje të shtuar nga ana jonë.”, shtoi ai. Më herët sot, ministria bjelloruse e Nbrojtjes tha se luftëtarët e Ëagner kishin filluar të stërvitnin forcat speciale në një poligon ushtarak vetëm disa milje larg kufirit me Poloninë. Ëagner, ka publikuar një deklaratë duke thënë se 10 mijë mercenarë planifikojnë të mbërrijnë në Bjellorusi. “49 mijë mercenarë janë të burgosur në Ukrainë. Në periudhën e luftimeve të Bakhmut, 22.000 humbën jetën dhe 40.000 u plagosën. 25,000 janë gjallë dhe në gjendje të mirë shëndetësore, duke llogaritur të plagosurit dhe të shëruarit,”tha Ëagner.