Themeluesi i grupit rus të mercenarëve Vagner, thotë se trupat e tij po lihen pa municion në qytetin lindor të Ukrainës, Bakhmut dhe se nëse ata detyrohen të tërhiqen, i gjithë fronti mund të pësojë kolaps. Në një video mesazh, Jevgeni Prigozhin tha se trupat e tij po i afroheshin marrjes së qytetit nën kontroll, dhe kjo ka qenë në qendër të fokusit rus gjatë këtyre muajve të shkuara. “Nëse Vagner tërhiqet nga Bakhmuti tani, i gjithë fronti do të bjerë”, tha ai. “Situata nuk do të jetë aspak e mirë për të gjithë formacionet ushtarake që mbrojnë interesat ruse”. Të premten, Prigozhin tha se njësitë e tij kishin rrethuar praktikisht Bakhmutin. Por të shtunën ai u ankua se pjesa më e madhe e municioneve që i ishte premtuar forcave të tij nga moska, muajin e shkuar, nuk kishin mbërritur ende. “Për momentin ne po përpiqemi të kuptojmë arsyen; është vetëm burokraci e thjeshtë apo tradhëti...” tha ai.