Rusia mirëpret gatishmërinë e deklaruar të presidentit të zgjedhur të SHBA-së, Donald Trump për të zgjidhur problemet përmes dialogut, tha të premten zëdhënësi i Kremlinit Dmitry Peskov, duke riafirmuar gatishmërinë e presidentit rus Vladimir Putin për bisedime me Trumpin. Mund të ketë përparim në caktimin e një takimi midis Trump dhe Putinit vetëm pasi Trumpi të bëjë betimin më 20 janar, u tha Peskov gazetarëve. Trump tha të enjten se një takim mes tij dhe Putinit ishte duke u organizuar, por nuk dha asnjë afat kohor. Peskov tha se Putini kishte deklaruar vazhdimisht gatishmërinë e tij për të zhvilluar bisedime me liderët ndërkombëtarë, përfshirë Trumpin. "Nuk kërkohen kushte për këtë, kërkohet vetëm një dëshirë e ndërsjellë dhe vullnet politik për të zhvilluar një dialog dhe për të zgjidhur problemet ekzistuese përmes dialogut," tha ai. “Ne shohim që edhe Trump është i gatshëm për zgjidhjen e problemeve përmes dialogut dhe e mirëpresim këtë”, tha ai. Peskov shtoi se ende nuk ka plane konkrete për një takim, por se Rusia po punonte me supozimin se të dyja palët ishin të hapura për bisedime. “Me sa duket, pasi Trump të hyjë në Zyrën Ovale, do të ketë disa lëvizje” – tha Peskov.