Ministri i Jashtëm rus Sergei Lavrov do të kryesojë takimin e Këshillit të Sigurimit të OKB-së në Nju Jork në prill, pavarësisht se Moska është në luftë me Ukrainën. Moska zyrtare tha se Lavrov do të kryesojë takimin muajin e ardhshëm kur Rusia do të marrë edhe presidencën e radhës të organizmit ndërkombëtar. "Një ngjarje tjetër kyçe e presidencës ruse në Këshillin e Sigurimit, do të jetë një debat i hapur i nivelit të lartë mbi 'multilateralizmin efektiv përmes mbrojtjes së parimeve të Kartës së OKB-së', tha zëdhënësja e ministrisë Maria Zakharova në një konferencë për shtyp, duke konfirmuar se takimi do të drejtohet nga Sergei Lavrov. Ukraina ka bërë thirrje që Rusia të përjashtohet nga Këshilli i Sigurimit, për shkak të operacionit ushtarat të nisur në shkurtin e vitittë këaluar, teksa presidencën e saj në prill e quajti një “shaka të keqe”.