Ramzan Kadyrov, lider i rajonit rus të Cecenisë, tha në një intervistë të transmetuar të hënën se rusia do të arrijë objektivat e saj në Ukrainë deri në fund të vitit dhe se do të ishte gabim të negociohej me presidentin Volodimir Zelenski. Forcat e Kadirovit kanë luajtur një rol të rëndësishëm në luftën në Ukrainë që kur Rusia pushtoi vendin fqinj, një vit më parë dhe ai ka lidhur edhe një aleancë joformale me shefin gjithnjë e më të fuqishëm të grupit të mercenarëve Vagner, Jevgeni Prigozhin dhe nacionalistë të tjerë ekstremë që mbështesin luftën. Në një intervistë të transmetuar në televizionin shtetëror Rossiya 1, Kadyrov tha se rusia ka fuqinë të marrë edhe kryeqytetin e ukrainës, Kiev, nga i cili në fakt u tërhoq në javët e para të luftës, me turp, dhe se ajo duhet të marrë edhe qytetin e dytë më të madh të Ukrainës, Kharkivin dhe portin më të madh të saj, Odesa.