Russia ka ngarkuar mercenarë për të mbrojtur pjesë të vijës së frontit në Ukrainë cka tregon se ka mungesa në këmbësori – tha ministria britanike e mbrojtjes të premten ndërsa Kievi nisi kundërofensivën në jug. Një varësi më e madhe tek luftëtarët me pagesë nga kompania private ushtarake ruse, Vagner, për misione në vijën e frontit, se sa angazhimi i tyre në operacione speciale, do të ishte një tjetër shenjë që tregon se ushtria ruse është nën stres të shtuar në muajin e gjashtë të luftës së saj në ukrainë. Por ministria britanike e mbrojtjes tha në buletinin e saj të përditshëm se mercenarët e Vagner ka pak gjasa të mbushin boshllëqet e krijuara nga humbja e njësive të rregullta të këmbësorisë apo të ndryshojë trajektoren e pushtimit rus. “Ky është një ndryshim domethënës nga angazhimet e mëparshme të grupit që nga 2015-ta, që zakonisht kanë qenë misione të ndryshme nga ato në shkallë të gjerë”, tha ministria britanike në Tëitter. Vagner dhe Kremlini nuk kanë bërë komente për cështjen.