Me ligjet e reja të miratuara në parlament, që lehtësojnë rekrutimin e qytetarëve në ushtri, krijohet mundësia që 5 milionë rusë të thirren nën armë. Lajmi i një skenari të ri të mundshëm është dhënë nga media e pavarur Novaya Gazeta, që raporton shifrën bazuar në moshën aktuale të popullatës në federatën ruse. Andrei Kartapolov, bashkëautor i amendamenteve, i ka quajtur ndryshimet sensitive dhe tha se ato ishin shkruar për mobilizim të përgjithshëm. “Ky ligj, është shkruar për një luftë më të mëdhe, që duket se po vjen”, thotë ai. Modifikimi i fundit ka rritur edhe moshën e shërbimit ushtarak. Tani, nën armë mund të thirren të gjithë personat nga mosha 18 deri në 30 vjec, ndërsa më herët mosha maksimale ka qenë 27 vjec. Nëse numrat që qarkullojnë janë të sakta, kjo do të thotë se shumë rusë janë në rrezik thirrjeje nën armë në këto momente. Ligji i ri thuajse dhjetëfishon edhe gjobat për ata që nuk i përgjigjen thirrjes, nga rreth 30 mijë rubla në rreth 300 euro dhe i ndalon rekrutët të largohen nga rusia nga momenti i thirrjes. Po ashtu, guvernatorët lejohen të kenë ushtritë e tyre rajonale, të pajisura me armë dhe mund ti dërgojnë ato në mbrojtje të kufijve, për të luftuar sabotatorët dhe për të mbrojtur rendin publik.