Inteligjenca britanike ka sugjeruar se rusia me shumë gajsa ka anuluar pjesmarrjen e planifikuar në stërvitjet e përbashkëta strategjike, që zakonisht përbëjnë një event të rëndësishëm të përvitshëm. Stërvitja ZAPAD 23, duhej të ishte kulmi i vitit trajnues të ushtrisë dhe do të mbahej muajin e ardhshëm. Rusia e ka zhvendosur stërvitjen strategjike nëpër vend, në një cikël katër vjecar që nga 2010-a, por ministria britanike e mbrojtjes tha se Moska i ka përqendruar ato më shumë në perëndim vitet e fundit. Ministria britanike e mbrojtjes tha se kjo ishte për shkak të nevojës për t’i dhënë përparësi përballjes me atë që Moska e percepton si kërcënim nga NATO. “Performanca e ushtrisë ruse në Ukrainë ka nxjerrë në pah sesi stërvitjet e përbashkëta strategjike, kanë pasur vlerë të kufizuar stërvitore dhe kanë qenë kryesisht për shfaqje. Rusia ka të ngjarë të anulojë ZAPAD 23 sepse ka shumë pak trupa dhe pajisje”, ka thënë Ministria e Mbrojtjes.