Raporte kontradiktore ka patur në rusi në lidhje me objektivat e një operacioni të mbrojtjes ajrore gjatë natës në rajonin e Moskës. Agjencia shtetërore ruse e lajmeve RT raportoi të enjten se mbrojtja ajrore shënjestroi "dronë helikopter", duke pretenduar se kjo ishte tentativa e parë të përdorimit të dronëve të tillë për të sulmuar Moskën gjatë konfliktit. Megjithatë, disa kanale ruse Telegram sugjeruan se mbrojtja ajrore ruse mund të ketë shënjestruar gabimisht një nga helikopterët e tyre ushtarakë. Pamjet e aktivizimit të mbrojtjes ajrore të Rusisë gjatë natës, u shpërndanë në Telegram nga shumë kanale të njohura, duke përfshirë AP Ëagner, i lidhur me Ëagner Group. "Në rajonin e Moskës, një helikopter u ngatërrua aksidentalisht me një dron ukrainas dhe kundërajrorët qëlluan mbi të. Ata nuk arritën ta rrëzonin. Paçi fat!" tha kanali. "Është një helikopter, budallenj!" dëgjohej të thoshte një dëshmitar okular në një video të shpërndarë nga kanali ASTRA në Telegram. Ndërkohë, kanali rus Telegram Military Informant tha se një dron ukrainas që i ngjan një helikopteri u shkatërrua nga sistemet e mbrojtjes ajrore në Naro-Fominsk, rajoni i Moskës. Kanali rus Mash, në telegram, sugjeroi gjithashtu se Ukraina kishte përdorur një dron sulmues "të tipit helikopter", të prodhuar nga kompania private e mbrojtjes Ramza, RZ-500, me gjasë për herë të parë në luftë. Llogari të tjera, duke përfshirë ato pro Kievit, pretenduan se objekti ishte në të vërtetë një helikopter rus. Nëse Rusia do të vinte në shënjestër një nga helikopterët e saj ushtarakë, kjo do ta vinte në siklet forcën ajrore ruse, e cila ka pësuar humbje të mëdha gjatë gjithë luftës në Ukrainë, me një numër të konsiderueshëm të mjeteve të tyre që janë rrëzuar prej vetë atyre.