Rusia ka lëshuar një "paralajmërim të fundit" për katër vende të NATO-s për sulmet me dronë ukrainas, duke shkaktuar frikë për zgjerim të luftës. Kremlini akuzoi shtetet e NATO-s se kanë lejuar dronët ukrainas të fluturojnë mbi territorin e tyre për të goditur objektivat kryesore të porteve të naftës pranë Shën Petersburgut. Sekretari i këshillit të sigurisë të Rusisë, Sergei Shoigu, tha: "Kohët e fundit, ka pasur raste gjithnjë e më të shpeshta të sulmeve me dronë ukrainas në Rusi, përmes Finlandës dhe shteteve baltike. "Si rezultat, civilët vuajnë dhe dëme të konsiderueshme shkaktohen në infrastrukturën civile." Ose mbrojtjet ajrore perëndimore janë "shumë joefektive, ose shtetet në fjalë po ofrojnë qëllimisht hapësirën e tyre ajrore, duke vepruar si bashkëpunëtorë të drejtpërdrejtë në agresionin kundër Rusisë", tha Shoigu duke shtuar se në rastin e fundit, hyn në fuqi automatikisht neni 51 i Kartës së OKB-së mbi të drejtën e lindur të shteteve për vetëmbrojtje në rast të një sulmi të armatosur.