Presidenti rus, Vladimir Putin, tha se shkencëtarët rusë ishin shumë pranë krijimit të vaksinave për kancerin dhe se ato do të ishin në dispozicion të pacientëve së shpejti. Putin tha në televizion se vendi është shumë pranë krijimit të vaksinave kundër kancerit dhe ilaceve imunomodulare të një gjenerate të re. Unë shpresoj se shumë shpejt ato do të jenë efikase dhe do të përdoren si metoda terapie individuale, shtoi ai duke folur në një forum në moskë për teknologjinë e të ardhmes. Putin nuk saktësoi se cfarë lloj kanceri do të shënjestrojë dhe as se si. Një numër vendesh dhe kompanish po punojnë me vaksinat e kancerit. Vitin e kaluar, qeveria britanike firmosi një marrëveshje me gjermanen BioNTech për të nisur testimet klinike që ofrojnë trajtime të personalizuara të kancerit dhe që synohet të arrijnë tek 10 mijë pacientë deri në 2030-ën. Kompanitë farmaceutike Moderna dhe Merck po punojnë për një vaksinë eksperimentale të kancerit që një studim në zhvillim e sipër ka treguar se redukton mundësinë e vdekjes nga melanoma, kanceri më vdekjeprurës i lëkurës. Aktualisht janë gjashtë vaksina të licensuara kundër papiloma-viruseve njerëzore që shkaktojnë shumë lloje kanceri, përfshirë atë në tru si edhe vaksina kundër hepatitit b që mund të cojë në kancer në melci. Gjatë pandemisë së koronavirusit, Rusia zhvilloi vaksinën e sj Sputnik V dhe ia shiti atë një numri shtetesh edhe pse brenda vendit ajo u ndesh me hezitim të fortë publik. Vetë Putin tha se ai kishte marrë sputnik v, në përpjekje për të siguruar njerëzit për efikasitetin dhe sigurinë e saj.