“Linja armiqësore” e vendeve baltike ka çuar në ndërprerjen e shumicës së lidhjeve të tyre me Rusinë, tha ministria e jashtme ruse në një deklaratë të publikuar të dielën, ku paralajmërohet gjithashtu se Moska do të përgjigjet me masa asimetrike. "Për shkak të linjës haptazi armiqësore të Vilniusit, Rigës dhe Talinit, të gjitha lidhjet ndërshtetërore, rajonale dhe sektoriale me Rusinë janë ndërprerë," tha Maria Zakharova, zëdhënësja e Ministrisë së Jashtme ruse për agjencinë shtetërore të lajmeve RIA, duke iu referuar kryeqyteteve të Lituanisë, Letonisë dhe Estonisë. Ajo shtoi se Moska do të vazhdojë të përdorë masa diplomatike të ndikimit në vendet baltike. Estonia javën e kaluar akuzoi Rusinë për shkelje të rregulloreve ndërkombëtare për hapësirën ajrore duke ndërhyrë në sinjalet GPS dhe vendet baltike janë "thellësisht të shqetësuara" për aktivitetet që ato i quajnë spiunazh rus, tha NATO javën e kaluar. Zakharova, pa specifikuar se çfarë hapash do të ndërmarrë moska kundër vendeve baltike tha se Moska do t'i përgjigjet veprimeve armiqësore të Letonisë, Lituanisë dhe Estonisë, me masa asimetrike.