Një zyrtar i lartë ukrainas mirëpriti të martën bisedimet e vendeve evropiane për të dërguar trupa në Ukrainë, por kremlini tha se një konflikt mes rusisë dhe natos do të bëhej i paevitueshëm nëse anëtarë evropianë të aleancës do të dërgonin trupa për të luftuar. Presidenti francez, Emmanuel Macron, ngriti të hënën mundësinë që vendet evropiane të dërgonin trupa në ukrainë, por edhe nënvizoi se nuk kishte konsensus për këtë. “Kjo tregon para së gjithash, ndërgjegjësimin absolut të rreziqeve që i kanosen evropës nga rusia agresive”, tha këshilltari i presidentit ukrainas, Mykhailo Podoliak. Rreth 20 liderë evropianë u mblodhën në paris të hënën për ti dërguar një mesazh presidentit rus, Vladimir Putin, për vendosmërinë evropiane për ukrainën dhe për të kundërshtuar narrativat e kremlinit se rusia po e fiton këtë luftë që tashmë ka hyrë në vitin e tretë të saj. “Vetëm hapja e një diskutimi për mundësinë e mbështetjes direkte të ukrainës nga forcat e armatosura, duhet të shihet si një dëshirë për të vënë theksin aty ku duhet e për të nxjerrë në pah rreziqet, më qartë”, shtoi Podoliak. Ai tha se është e rëndësishme në këtë fazë të përshpejtohet dërgimi i ndihmave ushtarake në Ukrainë. I pyetur për komentet e Macron, zëdhënësi i Kremlinit Dmitry Peskov, i tha gazetarëve: Fakti që po diskutohet mundësia e dërgimit të disa kontigjenteve në ukrainë, nga vendet e natos është një element i ri shumë i rëndësishëm. I pyetur se cili do të ishte rreziku i një konflikti direkt Rusi-Nato nëse anëtarë të natis dërgojnë trupat për të luftuar në Ukrainë, Peskov tha: Në atë rast ne do të duhet të flisnim jo për mundësinë por për pashmangshmërinë e një konflikti direkt. Një zyrtar i shtëpisë së bardhë tha ndërkohë për agjencinë e lajmeve Reuters, se SHBA nuk ka plane për të dërguar trupa për të luftuar në Ukrainë dhe se nuk ka plane as NATO për të bërë një gjë të tillë.