Rusia tha se një grup i luftanijeve të saj ka mbërritur në Iran për të marrë pjesë në stërvitjet e përbashkëta me republikën islamike dhe Kinën në Gjirin e Omanit dhe Detin Arabik. Stërvitjet e përbashkëta, të quajtura "Rripi i Sigurisë Detare 2024", do të përfshijnë anije luftarake dhe aviacion, tha ministria ruse e mbrojtjes në një deklaratë për shtyp të publikuar nga media shtetërore të hënën. “Pjesa praktike e stërvitjes do të zhvillohet në ujërat e Gjirit të Omanit të Detit Arabik”, tha ministria. "Qëllimi kryesor i manovrave është të punohet për rritjen e sigurisë dhe aktivitetit ekonomik detar." Grupimi i luftanijeve ruse udhëhiqet nga Varyag, një kryqëzor me raketa nga Flota ruse e Paqësorit, tha ministria. Ministria tha edhe se përfaqësues nga marina e Pakistanit, Kazakistanit, Azerbajxhanit, Omanit, Indisë dhe Afrikës së Jugut do të merrnnin pjesë në cilësinë e vëzhguesve.