Volodymyr Zelensky tha se Rusia ka realizuar qindra sulme ndaj qytetarëve ukrainas gjatë kësaj jave. Në një postim në platformën X të dielën, Zelensky theksoi se Moska ka përdorur armë të ndryshme, përfshirë rreth 1200 bomba ajrore të drejtuara, rreth 870 dronë sulmues dhe më shumë se 80 raketa të llojeve të ndryshme. Ai shtoi më tej se po punojnë ngushtë me partnerët për të siguruar vendime që mundësojnë mbështetje si sisteme mbrojtjeje ajrore, investime në prodhimin e mbrojtjes dhe forcimin e sanksioneve kundër Rusisë. “Ne vazhdojmë përpjekjet tona për të sjellë një paqe të drejtë dhe për të siguruar garanci të qëndrueshme sigurie.” Një ditë më parë presidenti i Ukrainës, Volodymyr Zelensky, tha se bombardimet vdekjeprurëse të Rusisë në ditët e fundit, tregojnë se synimet e luftës së Moskës “nuk kanë ndryshuar”, prandaj bëri thirrje për sanksione të reja. Gjatë fundjavës Rusia kreu një sulm masiv me raketa dhe dronë ndaj infrastrukturës energjetike dhe gazin në disa rajone të Ukrainës.