Kremlini tha të mërkurën se Rusia nuk do të negociojë kurrë këmbimin e territoreve ukrainase që ka nën kontroll me zonat në rajonin perëndimor rus të Kurskut, që kontrollohen nga Kievi. Presidenti ukrainas Volodymyr Zelenskiy i tha gazetës Guardian se ai planifikoi t'i ofronte Rusisë një shkëmbim të drejtpërdrejtë territori për të ndihmuar në përfundimin e luftës, duke përfshirë ofrimin e xhepave të Kurskut që Ukraina mban nën kontroll në këmbim të territoreve ukrainase të kapura nga Moska. Kievi organizoi një inkursion rrufe përtej kufirit gushtin e kaluar dhe mori nën kontroll pjesë të Kurskut, ku trupat ruse vazhdojnë të përpiqen të zbrapsin ukrainasit. "Ne do të shkëmbejmë një territor me një tjetër," tha Zelenski, duke shtuar se ai nuk e dinte se cilën pjesë të territorit të pushtuar nga Rusia do të kërkonte t’i kthehej Ukrainës.