Autoritetet ruse kanë vendosur të ndalojnë përdorimin e iPhonëve dhe produkteve të tjera apple për shkak të një frike në rritje nga spiunazhi. Ndalimi prek mijëra funksionarë dhe zyrtarë shteti. Lajmi është konfirmuar nga Financial Time e cila shpjegon se Kremlini po intensifikon represionin ndaj shoqërisë amerikane. “Funksionarët besojnë vërtetë se amerikanët mund ti përdorin pajisjet e tyre për përgjime telefonike”, ka thënë një ekspert i inteligjencës ruse. Ministria ruse e tregtisë ka deklaruar se duke filluar nga kjo javë, cdo përdorim iPhoni për qëllime pune, është i ndaluar. Ministria e zhvillimit digjital dhe Rostec, shoqëria shtetërore e sanksionuar nga perëndimi pasi ka furnizuar makinerinë ruse të luftës në Ukrainë, kanë pohuar se do të ndjekin të njëjtin shembull dhe kanë marrë masa ndalimi. Ndalimi i iphonëve, iPadëve dhe pajisjeve të tjera apple në ministritë dhe institucionet kryesore ruse, reflekton shqetësimin në rritje të kremlinit dhe agjensisë së spinazhit të shërbimit federal të sigurisë për një rritje të aktivitetit të spiunazhit nga agjencitë amerikane të inteligjencës kundër institucioneve shtetërore ruse. Funksionarët e sigurisë në ministri kanë njoftuar se iPhonët nuk konsideroheshin më të sigurt dhe se duhet të kërkohen alternativa – ka thënë një person i afërt me një agjenci qeveritare që ka ndaluar produktet Apple.