Zëdhënësja e Ministrisë së Punëve të Jashtme të Rusisë, Maria Zakharova, ka reaguar për situatën në veri të Kosovës, me një deklaratë zyrtare të publikuar në faqen e Ministrisë. Sipas mediave serbe, në deklaratën e saj Zakharova thotë se Rusia është e alarmuar nga përkeqësimi i situatës në Kosovë ku autoritetet e vendit po përshkallëzojnë tensionet. "Ne jemi të alarmuar nga përkeqësimi i situatës në Kosovë, ku të ashtuquajturat "autoritete" të Prishtinës përsëri po përshkallëzojnë qëllimisht tensionet, me simpatinë apo edhe mbështetjen e drejtpërdrejtë të patronëve të tyre në Uashington dhe Evropë. Duhen ndërmarrë hapa efikasë për t'i dhënë fund provokimeve të shqiptarëve radikalë të Kosovës ndërkohë që perëndimorët haptazi e shtyjnë situatën drejt konfliktit të drejtpërdrejtë."-thuhet në deklaratë. Më tej, zëdhënësja e ministrisë së jashtme ruse thotë se ndryshe nga Kosova, Beogradi vazhdimisht tregon një qasje konstruktive, bën thirrje për zgjidhjen e çështjeve të reja përmes dialogut dhe zbatimin e marrëveshjeve ekzistuese. Ndërsa tërheqjen e serbëve të kosovës nga institucionet vendore, moska e konsideron dëshmi të mosgatishmërisë së tyre për të qenë bashkëpunëtorë në të ashtuquajturin kurs kriminal. të “autoriteteve” të Kosovës mbi popullatën serbe, e cila u dëbua nga vendlindja me spastrim etnik.